【第三章?纸页之下，初见之地】

啱，佢可能会被拉走、被绑、甚至斩头。

    佢识得睇人眼神，眼前呢班唔系乜信善恶之说嘅城镇人，

    系真正喺生与Si中间游走紧嘅民族。

    佢打算讲嘢，但开口前，嗰个nV战士已经挥咗下手，

    用箭指住佢背後——

    1

    「站起身，慢慢行。」

    语气唔算粗暴，但有明显压力。

    唐诺唔敢怠慢，缓缓起身，双手仍然举高。

    佢侧头望咗对方一眼。

    对方冇回望，只系冷冷哋讲咗一句：

    「我叫赤芷，你话你唔系敌人，就行畀我睇。」

    赤芷。

    名入咗脑，连语音节奏都觉得顺耳。

    唐诺冇讲多句，只系照做，

    一步一步行向火堆方向。

    1

    沿途上，赤芷忍唔住开口问：

    「你叫咩名？」

    「唐诺。」

    「咩？堂……乐？」

    赤芷皱眉：「你父母系唔系想你长大做乐师？」

    「……唔系。唔系堂，系唐朝个唐。」

    「诺系承诺嘅诺。」

    「哼。」赤芷咬住块草叶：「讲得咁文邹邹……好烦。」

    「你家乡喺边？」

    「香港特区。」

    1

    赤芷即刻停低一步，望实佢：「你再讲一次？」

    「香港特区。」

    「吓？系咪香钢铁曲？」

    「……唔系。」

    「我第一次听到人个地名好似剑名咁。」

    赤芷歪头：「你哋会唔会飞剑？唔系我真系会信你系仙人落凡。」

    「唔识飞，但识搭地铁。」

    赤芷一脸戒备：「地铁系咩？毒蛇？」

    「……唔系。你唔使担心，我连剑都唔识揸。」

    「你识打仗？」

    「识打字。」

    「打字？系咪打人心口个字x？」

    唐诺望天，冇讲嘢。

    当佢被带到火堆中心时，周围围住咗五六个nVX，

    年龄唔一样，但全部都身手矫健，背箭带刀，眼神戒备。

    火光照住每一张脸，都似乎烙过风雪同战火。

    一个年纪最大嘅nV人，坐喺一块石头上，

    长发半灰，脸上有一道斜斜嘅旧疤，

    披红羽织甲，一眼睇落，就知系呢班人中最高者。

    佢望住唐诺良久，冇讲嘢，然後抬手。

    2

    赤芷走近，低声向佢耳语。

    唐诺听唔到佢哋讲咩，但能感受到，佢哋正讲自己。

    终於，嗰名老者开口。

    声音低沉而透。

    「我系乌绯，赤羽族之首。」

    「我想知，你系边个，从边度嚟。」

    唐诺望住佢，脑海飞快运转。

    佢唔知点解会听得明对方语言，

    但佢更知道，一句讲错，可能会Si。

    佢沉住气，开口：

    2

    「我唔知我嚟自边度……」

    「我醒嚟时，就喺森林入面。」

    短短一句，周围人即刻交头接耳。

    赤芷眉头一锁，手已经放到剑柄。

    乌绯冇郁，眼神只系微微一变。

    「你讲紧我哋语言，但话唔知自己嚟自边度？」

    唐诺y住声线，咬住字眼：

    「我醒嚟前，唔记得咗任何嘢。」

    「如果我讲错咗啲咩，你哋可以处置我。」

    气氛凝住。

    2

    火光跳动，空气之中只剩下风声、木头燃烧声、呼x1声。

    然後，乌绯忽然冷冷一笑。

    「我信你冇咁蠢。」

    佢望向赤芷，抬下巴：

    「带佢去水帐，睇住佢唔好走。」

    赤芷点头，走上前，一手扯住唐诺手臂。