96战争从没有改变

    左先生续说：「依场唔系我发起嘅战争，你地正势力Si左好多人，咁唔通我又无Si到人咩？你地嘅人就系人，我嘅人就唔系人？？」

    流主的信念一时间被左先生打破，他茫然问道：「你咁讲．．．即系你先系好人？？咁．．．你点解要抢走伊甸园创造器？？」

    左先生叹气说：「你唔好再咁幼稚成日拘泥喺好同坏之间，我二百年前已经讲过，Ga0得政治嘅，都唔会有好人。即使正势力口里面讲得好好听，但系佢地其实都一样做唔少唔见得光嘅嘢。」

    流主不禁想起豆的事，他问：「．．．例如呢？」

    「你头先问我点解要抢走伊甸园创造器．．．唔怕话你知，我系要用佢嚟制造武器。」左先生说

    「制造武器？？」流主大为震惊

    「无错，而且系一件可以摧毁三分一个香港废土嘅武器。」左先生解释说：「伊甸园创造器本身系一个强力嘅能量分子转换器，佢可以将一个大范围入面嘅能量分子改变，令已经Si去嘅土地恢复生命，藉以创造城市。不过，有一班天才科学家，根据历史遗留落嚟嘅数据，绘制左一个将伊甸园创造器改造成武器嘅设计图则。而根据依个图则所讲，依个武器可以令一个大范围入面嘅一切物质变成能量分子．．．．．．然後消失。」

    流主和孖根闻言不禁冷汗直流．．．

    然後左先生说：「而绘制依一个武器图则嘅．．．．．．就系正势力。」

    「无可能．．．．．．」流主完全不敢相信

    「好出奇咩？，一个能够发明出h金力量一号嘅组织，有咩武器制造唔出？」左先生说

    流主仍然抱有怀疑：「咪住．．．你嘅兵器b正势力唔系仲多咩！」

    「你指动力装甲同嗰啲巨大机械人？」左先生笑说：「佢地都只不过系复制品，你唔记得我地喺二百年前，已经好擅长复制技术咩？」

    「咁即系话依啲嘢都系正势力发明嘅？？」流主惊讶

    「动力装甲我地系复制自二百年前向美国买返嚟嘅动力装甲。至於巨大机械人．．．无错，我地系仿照h金力量一号嘅图则制造。同嗰个改造伊甸园创造器嘅图则一样，我地系喺正势力度偷出嚟。」

    「竟然系咁．．．．．．」流主万分无奈

    左先生笑说：「我唔会话自己系一个好人，但系我可以肯定，我至少b正势力好。」

    流主吞了吞口水问：「．．．咁你打算用伊甸园创造器对付正势力？」

    「当然啦，为左我领土嘅人民，我一定要摧毁所有敌人。」左先生理直气壮说

    「．．．咁你同佢地有咩分别？」流主问

    「你唔系第一次问我依个问题。」左先生续说：「其实我同佢地之间，真系无咩分别，唔系佢地用依个武器嚟对付我地，就系我地用依个武器嚟对付佢地。你要记住，绘制依个图则嘅人，系佢地．．．一日唔消灭佢地，佢地都仲会继续开发更多更强更恐怖嘅武器。」

    「香港废土嘅居民系无辜架．．．」流主哽咽说

    左先生说：「你知道就好。」

    流主紧握手上的M72高斯步枪说：「．．．大家，真系一定要自相残杀咩？」

    左先生想了一想说：「．．．嗯，无办法啦，人类就系咁架啦。」说着，他便戴