95罪魁祸首

都好应该为佢设想一下呢？佢背住依个腐烂嘅躯壳咁多年，用斗篷遮住自己咁多年，无晒自尊、忍辱偷生咁多年．．．唔通你就唔可以T谅一下佢？」

    流主又再无从反驳．．．

    左先生续对流主说：「其实我有一个两全其美嘅方法，就系我将你都变成食屍鬼，然後再帮你改变容貌，咁你同你朋友就可以永远咁生存落去。」

    「痴．．．痴线！」流主断然拒绝，但内心却确有犹豫

    「只要我公布话你地已经战Si左，一定唔会有人怀疑。」左先生说

    流主一时间真的纠结起来．．．

    这时孖根看了一看流主，说：「流主，你一路嚟到依度，唔通都唔清楚自己嘅目的系乜嘢？」

    流主一脸茫然．．．

    「你唔系为左我而嚟到依度，你系为左香港废土而嚟。如果你嘅意志系咁唔坚定，你注定会失败。」孖根说

    「但系．．．」流主无奈说：「你对我嚟讲都好重要呀．．．」

    「咁锁匙萱、阿宝、豆、四眼、鹰．．．仲有铁胆，佢地就唔重要咩？」孖根续说：「我跟随你咁耐，系因为欣赏你有正义感同善良，而唔系其他嘢。」

    流主沉默下来。

    「你识我嘅时候我已经系咁嘅样，唔通宜家我会因为外表而失去你同一班好朋友？」孖根续说：「而且，我唔觉得佢会守信用，佢只系想用口术令我地动摇。」

    左先生笑说：「你地唔信，系你地嘅损失，我唔会迫你地。」

    孖根反驳左先生：「如果你系真系咁好心嘅，就唔会Ga0咁多嘢出嚟。」

    「系咩？请问，我Ga0左啲咩出嚟？」左先生反问

    孖根顿时愣住了．．．事实上，残党有做过甚麽吗．．．？

    流主想了一想说：「．．．你同MR同流合W，杀我地嘅人，抢我地嘅伊甸园创造器！」

    左先生冷静反驳：「我嗰啲唔系同流合W，系交易。佢地用钱向我买装备，大家明买明卖，有咩唔啱？」

    「但系你咁样即系助纣为nVe！MR喺九龙一带嘅所作所为，你无理由唔知！」流主说

    「我当然知。」左先生说：「但系九龙唔系我嘅领土，MR喺嗰度做啲咩关我咩事？相反，我地同佢地协议，只要佢地唔喺我嘅领土上面Ga0事，我就唔会铲除佢地，亦会同佢地做交易。我依一个协议，唔使用一兵一卒就保护到我领土上嘅居民，有咩唔啱？」

    流主反问：「即系为左你自己嘅人民，就可以牺牲其他人？？」

    「作为一个负责任嘅领袖，当然系会将自己人民嘅地位放得b其他人高。」左先生冷言：「而你呢？二百年嚟都无改变过，「大战」嘅发生，你都有份造成，但系你就视我系一个罪魁祸首．．．到左宜家，你又走嚟话我Ga0事．．．你又有无谂过，依场Si咁多人嘅战争，系边个发起？」

    流主如像被当头bAng喝一般愣怔住了．．．