44炮台山

会议室，副指挥已经喺入面等紧你地，指挥官都好快会到。」

    流主他们推门进内，映入眼帘的是一个杂乱无章、满地满桌文件纸张的房间。而房间中央的书桌前，坐着一个戴着眼镜、举止斯文的nV子。

    nV子看到阿宝便雀跃不已：「阿宝！好耐无见啦！」

    「呃．．．．．．好耐无见．．．副指挥．．．」阿宝却没有甚麽高兴的反应

    「做咩咁见外？叫返我丽雅得啦。」nV子笑说

    「啊．．．嗯．．．其实我地赶紧去总部．．．希望你地可以借车b我地．．．」阿宝结结巴巴地说

    「无问题呀，不过做咩事咁赶？系咪发生左咩事？有无嘢我地可以帮到手？」丽雅问

    「其实．．．依位系流主．．．」阿宝介绍着：「佢系嚟自2077年嘅h金小子．．．」

    这时，另一个nV子刚好走进来会议室，搭话说：「2077年？h金小子？？」

    「家姐！」丽雅对着nV子打招呼

    阿宝顿即退後了两步，点一点头说：「．．．指挥官。」

    「做咩咁见外？叫返我美雅得啦。」nV子说：「你话佢系h金小子．．．系真嘅？？」

    「．．．佢戴住嘅哔哔小子．．．就系最好嘅证据．．．」阿宝说

    丽雅锁起眉头问：「咁．．．咁点算好呀家姐？」

    「．．．宜家太夜啦，依度距离总部都有一段路程，而且最近依一带有超级变种人出没．．．你地最好都系喺度留一晚，听朝我地搵人护送你地过去。」美雅说

    丽雅接着向会议室唯一一个驻房守卫说：「你去安排几间房同一啲嘢食b佢地啦。」

    「系，我宜家即刻去。」驻房守卫说

    「阿宝，你晏少少返过嚟再详细交代一下成件事。」美雅说

    「呃．．．嗯．．．．．．」阿宝脸sE有点无奈

    於是，流主他们便跟着守卫到另一个建筑物，在守卫安排的房间内休息。

    「阿宝，你识得头先嗰两姊妹架？」流主好奇问

    「嗯，我同丽雅系学院同界嘅毕业生。」阿宝说

    「学院？」锁匙萱问

    「每个啱啱加入，或者年满十岁嘅正势力成员都必须要接受一个叫做职业定位嘅测验，然後组织会根据测验结果安排几个适合嘅科目b你修读。毕业之後就去返相应嘅部门工作。我同丽雅就系喺机械工程课度识。」阿宝解释说

    流主有点惊讶说：「哇．．．无谂过一个民间组织会有咁完善嘅教育架构．．．」

    「我地仲会免费教授废土居民一啲基本嘅求生技能。」阿宝有点自豪地说

    孖根说：「唔怪得有人话正势力先系真政府。」

    深夜，流主他们在房间内休息。不需要怎麽睡眠的孖根正在为武器做清洁和保养。此时，她听到门外传来一些对话声．．．

    「又会发生啲咁嘅事．．．」

    「仲要系自己人．．．」

    「估唔到佢会做啲咁嘅嘢．．．」

    「佢地好似识左好耐架啦。」

    「唉．．．不过都好彩捉得到佢．．．」

    孖根忍不住走出房外问守卫：「．．．咩事？」

    「啊？．．．啊，你地唔使惊，你地一直都喺房入面，我地可以证明你地有不在场证据。唔使太担心，你地无嫌疑。」守卫说

    「嫌疑？有人杀左人？？」孖根问

    守卫点一点头说：「系呀，咪就系司徒宝罗，佢杀左指挥官呀。」