89强化

脸难得的满足表情说：「流主，难得机会就好好休息下啦。」

    「无错，休息系为左行更远嘅路。」正先生说

    「咁．．．好啦。」流主略感不好意思

    於是，流主他们接受了正先生的款待，暂时把战争的事抛诸脑後，放松心情痛饮了一番．．．．．．

    数小时後．．．

    「唉．．．」流主无奈说：「依个锁匙萱．．．唔饮得又学人饮．．．宜家同孖根一样醉到不省人事．．．」

    阿宝汗颜说：「孖根都好嘢．．．虽然听讲过酒JiNg好难对食屍鬼起到作用．．．但系真系无谂过夸张成咁．．．」

    「七支威士忌．．．五支红酒．．．九支伏特加．．．．．．真系吓Si人．．．」流主佩服说

    「不过你都唔差呀，又话唔好饮酒嘅？」阿宝问

    「我？啊，我只系唔锺意饮酒啫。」流主说：「你都好饮得呀。」

    阿宝苦笑说：「咁依样真系要多谢返Bitgdom啦．．．」

    流主和阿宝两人一边谈天，一边在金钟总部四处闲逛．．．

    「讲开又讲，豆去左边呀？正先生走左无耐佢就唔见左人．．．」阿宝说

    「可能顶唔顺返左去训挂？」流主猜说

    「佢系超级变种人嚟喎．．．」阿宝说

    流主笑说：「豆又点同一般嘅超级变种人呢。」

    阿宝不禁点头认同：「嗯．．．咁又系。」

    然後过了片刻，阿宝续问：「．．．．．．你真系唔系h金小子？」

    流主愣了一下，点头说：「嗯．．．对唔住．．．」

    「究竟200年前发生左咩事．．．？」阿宝问

    「．．．当时我仲有我阿哥流尚，都系政府派去h金力量嘅间谍．．．．．．」流主把200年前发生的事全都如实告诉阿宝．．．

    「所以．．．你希望用伊甸园创造器嚟弥补一切嘅错．．．．．．我谂我明啦。」阿宝说

    「对唔住．．．我无第一时间讲返个真相出嚟．．．」流主道歉说

    「点都好啦．．．最重要系你宜家系真系想帮香港废土。」阿宝说：「遗憾你阿哥已经唔喺度．．．你一定好伤心．．．」

    「．．．其实都已经无乜嘢啦，始终都过左「咁多年」啦．．．」流主苦笑说

    这时，他们闲逛到实验室外，发现竟然有人在如此深夜时分仍然在工作。

    「唔？咁夜仲有人喺实验室做嘢嘅？」阿宝好奇

    他们推门进去一探究竟，岂料却赫见豆被牢牢锁在一张十字形的实验台上，旁边更围着数个科学家．．．还有正先生！

    「豆！？正先生！？」阿宝大感不惑

    流主紧张问道：「发生咩事呀？？做咩锁住豆呀？？」

    豆看到流主和阿宝便呼喊起来：「流主！阿宝！救我呀！！」他尝试挣扎，但全身都却使不上力

    「你地冷静啲听我讲先．．．」正先生立刻解释说：「我做嘅一切，都系为左大局。」

    「大局？？」阿宝不解

    「你地究竟想对豆做乜嘢！？」流主追问

    正先生说：「我地只系想稍为强化依位超级变种人朋友，等佢喺嚟紧嘅战争中大展拳脚啫。」

    阿宝疑问：「强化？．．．点样强化呀？？」

    「我地分析左超级变种人嘅基因同巨兽嘅基因，b较左佢地嘅数据，研制左一只可以强制令超级变种人再次变种嘅强化剂。只要好好运用，嚟紧嘅战争，我地一定可以轻松获得胜利。」正先生微笑说

    流主斩钉截铁问：「你想将豆变成巨兽？？」