59奇怪的超级变种人

    虽然流主成功恢复了记忆，可是伊甸园创造器却被MR抢走，连铁胆也惨被nVe杀了．．．

    「鹰．．．」流主搭着鹰的肩膀说：「我唔会叫你节哀顺变．．．但我会应承你．．．一定会要MR血债血偿！」

    从四眼口中得知，原来他已经查到了MR的大本营就在战区的北方、隔在一座高山後的一个战前铁路车厂里。於是，为了一报铁胆之仇，也为了夺回伊甸园创造器，他们决定马上动身赶路。

    「离开左战区之後，我就一直跟踪住MR嘅活动。然後得知佢地会喺货柜码头一带有行动，所以我就跟左过去。当时我有见到正势力嘅船，但系就无见到铁胆．．．之後我匿埋静静观察，直到佢地有个拎住白sE金属工事包嘅人离开，我就潜入去睇下嗰度系咩地方。结果，就撞到你地。」四眼忆述说

    流主懊恼说：「咁即系佢地已经拎走左伊甸园创造器．．．」

    阿宝不解问道：「但系MR要伊甸园创造器嚟做咩？佢地应该连伊甸园创造器系咩嚟都唔知个喎．．．」

    「点都好啦，总之一定要剿灭MR，抢返伊甸园创造器。」流主续问四眼：「．．．你真系肯同我地一齐行动？」

    四眼点一点头：「嗯。虽然我唔系正势力，但系我地目标一致都系想对付MR，而且铁胆、鹰同你地都系我朋友，我唔觉得一齐行动有咩问题。」「况且．．．都唔系第一次啦。」他续说

    由於天sE已晚，天气也因为踏入冬季而愈来愈寒冷，流主他们即使心急如焚，也只有停下脚步，在路上随便找个地方渡过寒夜。

    锁匙萱说：「依头近战区，我怕怕会有其他人埋伏，我去附近巡巡先。」说着，她便独个儿离开了

    「净系佢一个会唔会太危险呀．．．？」四眼有点担心

    孖根却说：「．．．我地跟埋去反而会拖累佢。」

    流主他们躲在山边一个隐匿的小木屋里．．．在众人都在里面休息的时候，不需要怎麽休息的孖根则独个儿在屋外cH0U烟。

    「啊？咩原来你食烟嘅咩？」刚好走出屋外的流主有点意外地问

    「间唔中啦，通常都系你地瞓晒觉我先食，所以你地唔觉啫。」孖根cH0U了一口烟续问：「你呢？唔瞓觉走出嚟做咩？」

    流主叹道：「唉．．．我有啲嘢谂唔通．．．」

    孖根没有说话，只是默默看着流主表示自己正在聆听。

    「．．．其实我讲左个大话．．．」流主坐在孖根旁边说

    「．．．．．．继续。」孖根愣了一愣，她好像对流主说谎感到有点意外

    流主苦恼说：「．．．我都唔知算唔算有心讲大话，因为当时．．．个情况唔适合讲个真相出嚟．．．」

    孖根cH0U了一口烟说：「．．．你觉得啫。」

    流主沉默下来，呆呆看着远方静思．．．

    孖根续说：「不过你唔好话我知你讲左啲咩大话。」

    流主不解：「．．．点解呀？」